“Kauza ime” – Nexhmedin Erbakan

Në këtë episod të Prishtina Talks, Emir Ukallo — përkthyesi i librit dhe themelues i shtëpisë botuese Fleta — prezanton veprën "Kauza ime" (Davam) të politikanit dhe mendimtarit turk Nexhmedin Erbakan. Aktiviteti është i ndarë në tri pjesë: një poezi hyrëse ("Qytetërimi i trëndafilit"), elaborimi i disa kapitujve të librit, dhe diskutimi.

Ukallo ndalet te karakteri i Erbakanit — lufta e tij kundër së keqes dhe përparësia që ia dha shërbimit të popullit para famës shkencore — te pastërtia e qëllimit, te leximi i shkencës me koncepte islame (bereqeti kundër "zhvillimit"), te kauza për Islamin dhe bashkimin e myslimanëve, te fuqitë globale, dhe te çështja e Qipros e roli i Erbakanit në të.

Disa pika që trajtohen: 📌 Kush ishte Nexhmedin Erbakan dhe pse refuzoi të ndiqte një çmim Nobel 📌 Pastërtia e qëllimit (nijeti) si bosht i angazhimit të tij 📌 Bereqeti kundër "zhvillimit ekonomik": shkenca me koncepte islame 📌 "Treshi hallal është më i madh se pesëshi haram" 📌 Kauza për Islamin dhe bashkimin e myslimanëve përtej ndarjeve 📌 Çështja e Qipros dhe largpamësia politike e Erbakanit

📍 Prishtina Talks